Saltar ao contido principal
Xornal  »  As novas tendencias nos mercados e na industria leiteira, a debate nun foro profesional no Campus Terra da USC

As novas tendencias nos mercados e na industria leiteira, a debate nun foro profesional no Campus Terra da USC

O obradoiro sobre ingredientes e aditivos na industria leiteira promovido pola Aplta do Campus Terra da USC cita uns 100 participantes na Facultade de Veterinaria de Lugo

Actualizada: 15-06-2017 13:53
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Participantes nas sesións desenvolvidas na Facultade de Veterinaria

A Aula de Produtos Lácteos e Tecnoloxías Alimentarias (Aplta) do Campus Terra da USC cita desde este xoves na Facultade de Veterinaria de Lugo arredor dun centenar de participantes na terceira edición do Workshop sobre Ingredientes e Aditivos na Industria Leiteira e Alimentaria, un foro dirixido especialmente a responsables e técnicos dos departamentos de I+D+i, marketing, produción e calidade de empresas do sector leiteiro, en particular, en alimentario, nun contexto máis amplo, no marco do que se abordarán as novas tendencias que está a presentar no mercado na actualidade, así como os procesos de diversificación que está a experimentar a industria láctea e alimentaria.

 

Este foro de traballo, inaugurado polo vicerreitor de Desenvolvemento Científico e Tecnolóxico do campus de Lugo, Andrés Barreiro, e cuxas sesións programadas terán continuidade maña venres, conta coa participación de compañías multinacionais como Chr. Hansen, DSM, IFF, Frulact, FMC, Beneo, GBI, Ceamsa, Biópolis, CPKelco, un amplo abano de empresas que presentará en Lugo as súas principais novidades nos aditivos e ingredientes empregados na formulación de alimentos a partir de experiencias e estudos xa desenvolvidos.

 

A multinacional Mintel e colaboradores do clúster luso de alimentación Portugal Foods presentan tamén neste foro, cuxo programa está accesible en liña, as tendencias actuais dos consumidor, ao tempo que analizarán as futuras demandas globais no ámbito da alimentación, o que servirá ás empresas para orientar futuras estratexias de comercialización dos seus produtos.

 

Outra das novidades deste workshop vén dada polo feito de que as persoas inscritas teñen a oportunidade de valorar por si mesmos as últimas propostas de ingredientes e aditivos. Para facilitar este test, a organización habilitará un espazo de presentación de produtos no que as empresas contarán cunha área específica de exposición, cata de prototipos e produtos comerciais nas instalacións da  Aula de Produtos Lácteos e Tecnoloxías Alimentarias (Aplta), cuxas instalacións tamén serán obxecto de visita por parte dos congresistas.

 

Outras imaxes


Asistentes ao workshop sobre ingredientes e aditivos na industria leiteira e novos produtos desenvolvidos pola Aplta do Campus Terra da USC