Saltar ao contido principal
Xornal

Silvia Cernadas, autora do mellor póster da V Xornada Universitaria Galega en Xénero

Actualizada: 10-07-2017 13:56
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Póster gañador

‘Trala pegada das mulleres artistas. María Vinyals e a pintura do século XIX e comezos do XX’ é o título do traballo da investigadora da USC Silvia Cernadas Martínez que o venres gañou en Vigo o premio ao mellor póster da quinta edición da Xornada Universitaria Galega en Xénero.

O encontro, que este ano levaba por lema Transformando dende a universidade, organízano as oficinas e unidades de igualdade das tres universidades galegas e desenvólvese cada ano nunha delas, correspondéndolle este á Universidade viguesa.

O traballo de Silvia Cernadas, elixido entre os 24 presentados, versa sobre a escritora e feminista galega María Vinyals (1875-1940?), da que non existen moitas investigacións. En concreto, Cernadas centrou o póster na faceta menos coñecida da obra de Vinyals, a partir das achegas de varios materiais inéditos. Por un lado, a súa labor como pintora e debuxante e, por outro, a imaxe das mulleres nos retratos de comezos do século XX.

Ademais do póster premiado, acadaron un accésit María Carreiro e Cándido López, da UDC, por ‘ Figuras ocultas en el proyecto de la cocina moderna’ e Soledad Torres e Verónica Salgueiriño, da UVigo, por ‘“Elas Fan CienTec”. Promoviendo vocaciones femeninas científicas y tecnológicas en la Universidade de Vigo’.