Saltar ao contido principal
Xornal

O investigador Eugenio Vázquez acada unha das axudas da Asociación Española contra o Cancro para o desenvolvemento de novas liñas de investigación contra a enfermidade

Actualizada: 04-10-2017 09:54
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Eugenio Vázquez, primeiro pola dereita, coa raíña Letizia e o investigador do IMDEA Álvaro Somoza

Un proxecto do investigador do Departamento de Química Orgánica Eugenio Vázquez Sentís obtivo unha das 140 axudas que concede anualmente a Asociación Española contra o Cancro (AECC). A proposta do investigador da USC desenvolverá investigación básica para o tratamento e resistencia do melanoma e atópanse enmarcada no programa denominado como ‘Ideas Semilla’ que pretende impulsar estratexias innovadoras na contorna científica que poidan traducirse en novas terapias no futuro. A entrega oficial da axuda celebrouse a finais da pasada semana en Madrid nun acto presidido pola raíña de España, presidenta de honra da asociación e da Fundación Científica AECC. En total esta convocatoria supón unha achega económica de ata un máximo de 20.000 euros distribuídos en dous anos.

O profesor Eugenio Vázquez sinalou que a axuda permite continuar cunha liña de traballo iniciado en 2013. “Sempre tentamos abordar proxectos que poidan xerar beneficios á sociedade, aínda que normalmente moi a longo prazo” sinala o investigador quen ademais explica que “neste caso trátase dunha investigación máis aplicada, orientada a resultados que poidan mellorar no futuro as terapias actuais”.

Actualmente, Vázquez Sentís desenvolve o seu labor no Centro Singular de Investigación en Química Biolóxica e Materiais Moleculares de Campus Vida, ao que cualificou como “unha contorna privilexiada para abordar estes desafíos na fronteira entre a química e a bioloxía”.