Saltar ao contido principal
Xornal  »  A liña férrea do Douro e Minho, en fototipias de finais do XIX

A liña férrea do Douro e Minho, en fototipias de finais do XIX

Este xoves abre na Igrexa da Universidade a mostra ‘Caminhos do ferro e da prata’

Actualizada: 11-10-2017 12:36
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

'Ponte sobre o Sousa', de Emílio Biel

Da innegable importancia histórica da construción da liña férrea do Douro e do Miño dá conta unha exposición que dende este xoves se poderá visitar na Igrexa da Universidade, con documentos gráficos dun dos pioneiros da fototipia en Portugal, Emílio Biel, datados en 1887.

A beleza das imaxes, o percorrido ao longo do río Douro, os aspectos históricos e etnográficos, o carácter da rexión, a arquitectura e as tradicións da zona fan desta colección fotográfica un conxunto único.

‘Caminhos do ferro e da prata. Linhas do Douro e do Minho’ poderá visitarse ata o 29 de novembro de martes a sábado de 12.00 a 14.00 e de 17.00 a 20.30 horas e o domingo en horario de mañá. A mostra é unha produción do Museu de Lamego coa colaboración da Dirección Xeral de Cultura da Rexión Norte de Portugal e da Secretaría Xeral de Cultura da Xunta de Galicia.