Saltar ao contido principal
Xornal

A profesora Alicia López Pardo impartiu un seminario en Pedagoxía sobre a pedagoxía Freinet

Actualizada: 23-10-2017 13:25
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Alicia López, nun momento da súa presentación ante o alumnado de Pedagoxía

‘A pedagoxía Freinet ao servizo dunha escola innovadora: materiais e experiencias’ foi o título da conferencia-seminario impartida pola docente Alicia López Pardo no marco da materia de Deseño e avaliación de materiais didácticos de cuarto curso do grao en Pedagoxía.

Alicia López impartiu docencia en diferentes niveis do ensino, comezando a súa traxectoria profesional en Cervantes (Os Ancares, Lugo) para logo traballar en colexios de Galicia, Canarias e Valencia, sempre moi vinculada á escola rural, á pedagoxía Freinet e outros movementos de renovación pedagóxica como Nova Escola Galega. Todas as súas prácticas están baseadas na pedagoxía ‘ freinetiana’ que definiu na conferencia impartida como un movemento comprometido que defende e respecta a diversidade cultural, o compromiso coa realidade e a igualdade dos dereitos e dos cidadáns.