Saltar ao contido principal
Xornal

Medalla Ignacio Ribas 2018 para o profesor Diego Peña

Actualizada: 24-04-2018 14:20
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

O profesor do Departamento de Química Orgánica da USC Diego Peña Gil acaba de ser recoñecido coa Medalla Ignacio Ribas 2018 que concede cada ano o Grupo Especializado de Química Orgánica (GEQOR) da Real Sociedade Española de Química (RSEQ) a químicos socios que presenten unha traxectoria ascendente nos últimos cinco anos.

“Supón unha gran satisfacción recibir un recoñecemento así”, afirma Peña Gil, que ademais é investigador principal no CiQUS da USC. “Para alguén coma min é unha honra aínda maior por tratarse dun premio asociado á memoria de Don Ignacio Ribas, un dos pioneiros da Química Orgánica en España, que achegou tantas cousas traballando dende esta mesma institución, a USC”.

Diego Peña mostrouse tamén honrado de ser incluído na lista de investigadores premiados. “É un orgullo que os meus colegas me tiveran en conta á hora de incluírme nun grupo tan prestixioso”, asegurou.

A entrega da medalla realizarase no transcurso da XXVII Reunión Bienal do GEQOR, que se celebrará en Santiago de Compostela do 20 ao 22 de xuño de 2018.