Saltar ao contido principal
Xornal

TodoCosmos, divulgando astronomía por máis dunha vintena de concellos galegos

Actualizada: 12-07-2018 12:30
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Na presentación do programa Docobo estivo acompañado do concelleiro de Educación de Santiago, Manolo Dios, e do alcalde de Boqueixón, Manuel Fernández Munín

O Observatorio Astronómico Ramón María Aller da USC (OARMA) desenvolve por quinto ano consecutivo o programa de divulgación astronómica TodoCosmos, que tenta levar esta ciencia a todos os lugares e sectores da poboación galega. A iniciativa conta co financiamento da Fundación Española para a Ciencia e a Tecnoloxía, que recentemente a recoñeceu como práctica Innovadora en Cultura Científica.

Aínda que se desenvolve ao longo de todo ano, no verán concentra boa parte das súas propostas. Dende sesións de observación nocturna a visitas didácticas ao Observatorio, pasando por obradoiros ou charlas, que nesta edición se van diversificar en máis dunha vintena de concellos galegos con actuacións en paseos marítimos e fluviais, cimas emblemáticas, prazas e rúas, praias ou parroquias.

O equipo de TodoCosmos confórmano José Ángel Docobo Durántez, Pedro Pablo Campo Díaz, María Brea Mato, José Ramón González Romay e Jorge Gómez Crespo.

O programa xa comezou en xuño con actividades en Pontevedra, Santiago e Lalín, como explicou esta mañá en rolda de prensa o director do OARMA, José Ángel Docobo. Sen estar pechada a axenda definitiva, e a maiores dun cursiño en Sanxenxo a finais de agosto, están previstas as seguintes sesións de observación nocturna:

Mes de XULLO

Bertamiráns (Praza Chavián), 12 de xullo ás 22:45

Noia, 17 de xullo ás 22:30

Barbadás, 18 de xullo ás 22:30

Lousame, 19 de xullo ás 22:30.

Porto do Son, 19 de xullo ás 22:30.

Rianxo, 20 de xullo ás 22:30.

Boqueixón, 27 de xullo ás 22:00

Sanxenxo, 27 de xullo ás 22:30.

 

Mes de agosto

Padrón, 1 de agosto ás 22:30.

Ribadeo, 3 de agosto ás 22:30.

Allariz, 5 de agosto ás 22:30.

Rianxo, 10 de agosto ás 22:30.

Santiago (Observatorio Astronómico, coa Cruz Vermella), 13 de agosto ás 22:00

O Grove, 14 de agosto ás 22:00.

Allariz, 15 de agosto ás 22:00.

Ribadeo, 16 de agosto ás 22:00.

Porto do Son, 16 de agosto ás 22:00.

Sanxenxo, 17 de agosto ás 22:30.

Padrón, 19 de agosto ás 22:00.

Porto do Son, 19 de agosto ás 22:00.

Noia, 20 de agosto ás 22:00.

Sanxenxo, 29 de agosto ás 22:00.