Saltar ao contido principal
Xornal

Os profesores da USC Claudio Rodríguez Fer e Carmen Blanco presentan este venres en Allariz a triloxía Valente Vital

Actualizada: 11-10-2018 13:01
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Os profesores da USC na Facultade de Humanidades do campus de Lugo Claudio Rodríguez Fer e Carmen Blanco presentarán este venres a triloxía Valente Vital en Allariz no marco do Festival Internacional de Poesía Poemagosto. A poeta luguesa Olga Novo acompañará, a partir das 11.30 horas, neste recital conxunto.

 

Ademais do recital, o tamén director da Cátedra Valente de Poesía e Estética da USC, Claudio Rodríguez Fer, aproveitará a súa participación neste evento para presentar ensaio biográfico integral composto por mil cincocentas páxinas en tres volumes sobre a vida e a produción do universal poeta ourensán: Valente vital (Galicia, Madrid, Oxford), Valente vital (Ginebra, Saboya, París) e Valente vital (Magreb, Israel, Almería). Esta obra foi elaborada cun equipo conformado polos investigadores Marta Agudo, Manuel Fernández Rodríguez, Tera Blanco de Saracho, María Lopo, Fernando García Lara e Claudio Rodríguez Fer, coordinador do proxecto.