Saltar ao contido principal
Xornal

Unha delegación tinerfeña de universitarios sénior visitan este xoves a Vicerreitoría de Coordinación do campus de Lugo

Actualizada: 07-11-2018 13:24
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Unha delegación tinerfeña de estudantes sénior da Universidade de La Laguna visitará este xoves, a partir das 11.30 horas, a Vicerreitoría de Coordinación do campus de Lugo, para participar nunha recepción institucional ofrecida pola vicerreitora Montserrat Valcárcel Armesto.

 

A directora do IV Ciclo Universitario da USC, Esther Olveira Olveira, e a coordinadora deste programa de formación de persoas maiores de 50 anos na sede universitaria luguesa, a profesora Teresa Rodríguez, tamén participarán nesta sesión, que tamén está aberta á participación de alumnado sénior da USC.

 

A visita desta delegación canaria ao campus de Lugo encádrase no marco da estadía que está a completar esta semana un grupo de alumnado sénior da Universidade de La Laguna nos campus composteláns da USC. Ademais da recepción institucional, a comitiva canaria aproveitará a súa estadía en Lugo para visitar o Museo Universitario da Domus do Mitreo, facer un percorrido pola catedral de Lugo coa guía de Carolina Casal Chico, ao tempo que poderá coñecer o centro cívico do Vello Cárcere de Lugo.