Saltar ao contido principal
Xornal

A próxima xornada de Regueifas de ciencia debate a legalización da eutanasia

Celebrarase na Facultade de Ciencias da Comunicación o día 29 de novembro

Actualizada: 16-11-2018 13:05
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Cartel da próxima Regueifa de Ciencia, o día 29 de novembro

Debe ser legalizada a eutanasia? A pregunta define o próximo debate que abordará o ciclo de Regueifas de ciencia, debate que se celebrará o día 29 de novembro a partir das 20.00 horas na Facultade de Ciencias da Comunicación.

Nesta ocasión, no debate defenderán a eutanasia a catedrática emérita de Filosofía Moral e Política da Universidade de Barcelona, Margarita Boladeras Cucurella, e Isabel Blanco Domínguez, directiva Derecho a Morir Dignamente. En contra intervirán Francisco Javier Barón Duarte, da Unidade de Hospitalización do Servizo de Oncoloxía Medica do Hospital Universitario da Coruña, e Jacinto Bátiz Cantera, doutor en Medicina e Cirurxía e médico de familia.