Este mércores 28 de novembro, ás 16:30 horas na aula B da Facultade de CC. Económicas e
Empresariais, o profesor Edelmiro López Iglesias e representantes da empresa Dairy Lac participarán
nos
II Coloquios de Economía Aplicada, que con entrada libre se celebran periodicamente ao
logo do presente curso académico. Os relatores reflexionarán acerca do presente e o futuro do
sector agroalimentario galego, tentando definir as prioridades.
O profesor Edelmiro López ten unha ampla experiencia académica e investigadora no sector
agroalimentario, ademais de ter ocupado cargos de responsabilidade na xestión pública. A empresa
Dairy Lac estará representada por dous dos seus responsables, antigos alumnos da USC, que
presentarán a súa iniciativa empresarial. En definitiva, tratarase de definir as claves dunha
estratexia de desenvolvemento sostible para o sector.