Saltar ao contido principal
Xornal

As bibliotecas inician o período de apertura en horario extraordinario

Actualizada: 11-12-2018 14:34
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Imaxe de arquivo da Biblioteca Concepción Arenal. Foto: RQ

As bibliotecas da USC nos campus de Santiago e Lugo inician este luns 3 o período de apertura en horario extraordinario. En Santiago a Biblioteca Concepción Arenal abrirá ata as 3.00 horas ata o 16 de decembro. Deseguido, entre os días 17 e 21 permanecerá aberta as 24 horas.

Nun segundo período, entre os días 3 e 6 de xaneiro volverá abrir con horario estendido, mantendo as súas portas abertas ata as 3.00 horas. Entre os días 7 e 23 de xaneiro, esta biblioteca volverá abrir de xeito continuada as 24 horas. Finalmente, do 23 ao 25 deste primeiro mes de 2019 o peche retrasarase ata as 3.00 horas. Por outra banda, no Campus de Lugo, a Biblioteca Intercentros manterá o horario extraordinario, mantendo as súas instalacións abertas ao público ata as 3.00 horas en dous períodos, do 3 ao 21 de decembro e do 2 ao 25 de xaneiro.

Como reforzo ao horario extraordinario, a Sala de Lectura da Facultade de Dereito abrirá de 10.00 a 22.00 horas os días 6, 8, 9, 15 e 16 de decembro. Tamén e co mesmo horario, nas fins de semana dos días 12 e 13 e 19 e 20 de xaneiro. A este centro sumarase a biblioteca da Facultade de Ciencias Económicas e Empresariais, de reforzo os días 15 e 16 de decembro e nas fins de semana dos días 12 e 13 e 19 e 20 de xaneiro, tamén de 10.00 a 22.00 horas. A estas dúas sumarase a Biblioteca Xeral, aberta de 10.00 a 22.00 horas nas fins de semana de xaneiro (días 12, 13, 19 e 20).

No período comprendido entre os días 22 de decembro ao 1 de xaneiro as bibliotecas manterán o seu horario habitual de apertura: de luns a venres de 9.00 a 20.30 horas e en fin de semana de 10.00 a 19.30 horas.