Saltar ao contido principal
Xornal

Preséntase en Filoloxía un novo volume da colección ‘Cuadernos de Español como Lengua Extranjera’

Actualizada: 16-01-2019 11:23
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

A Universidade de Santiago vén de editar o quinto volume da colección ‘Cuadernos de Español como Lengua Extranjera’, concibida en 2008 con carácter pedagóxico para facilitar tanto a alumnado estranxeiro como a profesorado a aprendizaxe e ensinanza do español.

Neste caderno, a competencia cultural constrúese fundamentalmente a partir de textos literarios de, entre outros e outras, Rosalía de Castro, Manuel Rivas, Suso de Toro, Yolanda Castaño ou Álvaro Cunqueiro, con Santiago de Compostela como referencia.

A publicación, que leva por título G eografías Literarias, presentarase este xoves 17 ás 12.00 horas no Salón de Graos da Facultade de Filoloxía nun acto no que participarán o seu autor, Xaquín Núñez Sabarís; o vicerreitor de Estudantes e Internacionalización, Víctor Arce; a vicerreitora de Organización Académica, Celia Besteiro, e o director do Servizo de Publicacións e Intercambio Científico da USC, Juan L. Blanco Valdés.