Saltar ao contido principal
Xornal

Gabriela González describirá as particularidades e achados sobre as ondas gravitacionais

Actualizada: 08-03-2019 09:37
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Gabriela González, voceira do experimento LIGO entre 2011 e 2017, impartirá este venres 8 a conferencia ‘Einstein, buratos negros e ondas gravitacionais’, nunha sesión a partir das 20.00 horas na Facultade de Ciencias da Comunicación organizada polo Instituto Galego de Física de Altas Enerxías (IGFAE). A conferencia retransmitirase en streaming na dirección http://tv.usc.es/directo4.html.

A intervención de Gabriela González contará as particularidades e últimos achados arredor das ondas gravitacionais así como o futuro deste novo campo da astronomía. Einstein xa predixera hai máis de cen anos a existencia destas ondas que viaxarían á velocidade da luz e que o espazo-tempo era dinámico. A conferencia rememorará como os dous observatorios LIGO en Estados Unidos detectaron en 2015 por vez primeira un sinal que atravesaba a Terra, causado polo “abrazo final de dous buratos negros que bailaran un tango hai máis de 1.300 millóns de anos”. Dende entón detectáronse varios sinais máis, incluíndo a colisión de dúas estrelas de neutróns, o que axuda a “entender a orixe dos metais pesados”.