Saltar ao contido principal
Xornal

A Facultade compostelá de Matemáticas implícase no Día Pi

Actualizada: 13-03-2019 13:56
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Pilar e Jorge, da organización, co grupo 'As Veigas Casino'

Con motivo da celebración do Día Pi o 14 de marzo, a Asamblea Nacional de Estudiantes de Matemáticas (ANEM) organiza un concurso estatal para estudantes de grao, mestrado e doutoramento sobre coñecemento e habilidades matemáticas que se desenvolve este días de maneira simultánea en numerosas universidades españolas, entre elas a de Santiago de Compostela.

No caso da USC, a coordinación do evento recae na Facultade de Matemáticas e, en concreto, nos doutorandos da facultade Jorge Albella Martínez, Beatriz Álvarez Díaz, Daniel Cao Labora e Pilar Paéz Guillán.

Para fomentar a participación na actividade, dende a organización estatal outórganse diversos premios, aos que en Santiago hai que sumarlle outro consistente nun vale en xogos de enxeño ao equipo da USC que acade a maior puntuación.