Saltar ao contido principal
Xornal

A EPS de Enxeñaría cita a alumnos e profesionais nun foro técnico de Aeipro sobre novos enfoques na dirección de proxectos

Actualizada: 25-03-2019 10:28
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Autoridades participantes na inauguración da xornada técnica de Aeipro na EPS de Enxeñaría da USC

Unha xornada técnica sobre novos enfoques na dirección de proxectos promovida pola Asociación Española de Dirección e Enxeñaría de Proxectos (Aeipro ) en colaboración coa área de Proxectos de Enxeñaría da USC congregou na EPS de Enxeñaría do campus de Lugo da USC a estudantes e profesionais da área de Project Management.

 

A vicerreitora de coordinación do campus de Lugo, Montserrat Valcárcel, e o coordinador do Máster Oficial en Dirección de Proxectos da USC, Carlos Amiama Ares, abriron esta xornada formativa nun breve acto de benvida a todos os participantes, así como aos relatores convidados.

 

A quenda de relatorios comezou cunha intervención d presidente de International Project Management Association (IPMA), Jesús Martínez Almela, quen tratou na súa exposición a progresiva proxectización da sociedade. De seguido, o director internacional e de desenvolvemento de negocio de ICEACSA, Carlos Martínez Bustelo, ofreceu un relatorio baixo o título ‘A xestión de proxectos como ferramenta no proceso de internacionalización de ICEACSA Consultores’. O xefe de área de Planificación Portuaria da Autoridade Portuaria da Coruña, Enrique Guillermo Maciñeira, pechou a quenda de intervencións nesta xornada co relatorio ‘Organización e xestión dun gran proxecto de obra pública. O porto exterior da Coruña’.


Outras imaxes


Participantes na sesión formativa