Saltar ao contido principal
Xornal

O proxecto internacional STAR-ProBio reúnese na USC

Apoia a Comisión Europea no establecemento de iniciativas políticas e industriais no marco da certificación da sustentabilidade para bioprodutos

Actualizada: 02-04-2019 14:36
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Foto de grupo dos participantes na xuntanza. Foto: Iria Lema

O proxecto STAR-ProBio desenvolve estes días na USC a segunda reunión anual da súa Asemblea Xeral. Coordinado pola Universidade Unitelma Sapienza e con 15 socios de 11 países europeos, busca apoiar a Comisión Europea no establecemento de iniciativas políticas e industriais no marco da certificación da sustentabilidade para bioprodutos. Trátase dun proxecto cun enfoque multidisciplinar que integra aspectos científicos e de enxeñaría con outros baseados nas ciencias sociais e humanidades para formular as bases de modelos de innovación empresarial no sector dos produtos de orixe biolóxico.

Dende a USC participa nel o grupo de Biotecnoloxía Ambiental do Departamento de Enxeñaría Química, liderado polos profesores Gumersindo Feijoo e María Teresa Moreira, que estuda as cargas ambientais do cultivo das materias primas e o seu pretratamento para a produción de bioprodutos, así como os impactos sociais e socioeconómicos relacionados con toda a cadea de valor. O proxecto xa deu lugar á publicación de capítulos de libro e artigos científicos en revistas internacionais de elevado índice de impacto como Corporate Social Responsibility and Environmental Management, Biofuels, Bioproducts & Biorefining, Chemical Engineering Journal e Industrial, Crops and Products.