Saltar ao contido principal
Xornal

Ciencias Económicas e Empresariais celebrará o luns o seu patrón

Actualizada: 05-04-2019 11:57
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Entrada principal da Facultade de Ciencias Económicas e Empresariais de Santiago. Foto: RQ

Ciencias Económicas e Empresariais celebrará o luns 8 a festividade do seu patrón, san Vicente Ferrer, cunha sesión protocolaria que comezará ás 12.00 horas no Salón de Graos do centro presidid pola vicerreitora de Comunicación, Cultura e Servizos, Mar Lorenzo Moledo. Na mesma mesa presidencial participarán tamén o decano Xoán Ramón Doldán García; e o profesor ad honorem do departamento de Organización de Empresas e Comercialización Justino Bastida Calvo que pronunciará a conferencia ‘Económicas e Empresariais / ADE: onte e hoxe’.

O protocolo do acto comezará coa entrega de diversos premios impulsados pola Facultade, entre eles o do concurso de pintura CreArte na Universidade 2018 para Alejandra Pardo Martínez ou o premio Fulget 2018 outorgado á empresa Martín Codax, en cuxo nome recollerán o galardón o seu director executivo, Juan Antonio Vázquez Gancedo, e a directora de Márketing, María Garrido, ambos os dous antigos alumnos do centro.

Na mesma sesión tamén se entregarán os premios extraordinarios de Grao correspondentes ao pasado curso académico a Lucas Jacobo Luaces Rozados e Francisco López Bermúdez (Economía) e a Jorge Saldaña Moscoso (ADE), así como os de corresponde a Máster a Leandro Javier Llorente González (Desenvolvemento Económico e Innovación); Antonio Rodríguez García (Turismo Urbano e Xestión de Empresas Turísticas); e a Rubén Pájaro García (Dirección e Xestión Contable e Financeira). Tamén no apartado dos premios académicos, María Ángeles Pereira Sánchez recibirá o premio extraordinario de Doutoramento 2015-2016.

Finalmente, entregaranse os premios á Calidade Lingüística do curso 2017-2018, outorgado a Alba Martínez Mirás, alumnado do grao en Economía polo seu Traballo Fin de Grao e a primeira edición do Premio María del Carmen Lorenzo Díaz a TFG e TFM sobre a economía dos recursos naturais e do medio ambiente. Recibiranos Alba Martínez Mirás, na modalidade TFG, e Enid López López, na de TFM.

Ademais dun acto de recoñecemento da acción solidaria da Facultade coa Asociación Fonte da Virxe, asociación de familiares e amigos dos enfermos mentais, a conferencia de Justino Bastida e a intervención da vicerreitora Mar Lorenzo pecharán o acto.