Saltar ao contido principal
Xornal

A ETSE celebra este xoves o Día da Escola

Actualizada: 10-04-2019 13:22
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

A Escola Técnica Superior de Enxeñaría celebra este xoves 11 o seu Día, que inaugurará ás 12:15 horas o vicerreitor de Investigación e Innovación, Vicente Pérez Muñuzuri.

O acto comezará coa lectura da memoria de actividades do pasado curso a cargo do secretario da Escola, José Varela Pet. A continuación entregaranse os Premios Extraordinarios Fin de Carreira, aos mellores expedientes da ETSE, aos mellores TFG e TFM e os de Calidade Lingüística de TFG e TFM.

A catedrática de Enxeñaría Química Ana Mª Soto Campos e o Catedrático de Ciencias da Computación e Intelixencia Artificial Senén Barro Ameneiro pronunciarán deseguido unha charla sobre os 20 anos de traxectoria da ETSE.

A cerimonia finalizará coa entrega dos premios Leonardo á Docencia e á Investigación, o ViAQUA ao mellor TFM no Mestrado en Enxeñaría Ambiental e o DXC ao mellor TFM no Máster en Big Data.