Saltar ao contido principal
Xornal

Acto académico de imposición de bandas e entrega de diplomas de convivencia na residencia universitaria Jesús Bal y Gay

A vicerreitora Montserrat Valcárcel presidiu a sesión académica no marco da que tamén se distinguiu a Luz Páramo coa ‘Beca de Honra’ do centro universitario lugués

Actualizada: 26-04-2019 14:54
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Alumnos becados na residencia Bal y Gay

A residencia universitaria Jesús Bal y Gay do campus de Lugo vén de despedir a promoción de residentes 2016-19 no marco dun acto académico no que se procedeu á imposición de bandas aos estudantes residentes durante os últimos tres anos, ademais de entregar diplomas de convivencia ás persoas estranxeiras que residiron durante este ano académico neste centro universitario.

 

A vicerreitora de Coordinación do campus de Lugo, Montserrat Valcárcel, foi a encargada de presidir este emotivo acto, nunha sesión que contou coa presenza do adxunto á Vicerreitoría de Coordinación do campus de Lugo para Estudantes, Internacionalización, Cultura e Servizos, Jesús Varela Zapata, e na que tamén participaron a directora da residencia universitaria Jesús Bal y Gay, Paula Vázquez Rodríguez, e o subdirector do referido centro universitario, Adrián Constenla García.

 

O subdirector da residencia Jesús Bal y Gay encargouse de presentar e de facer a laudatio da persoa que nesta ocasión foi distinguida coa ‘Beca de Honra’, a traballadora do centro universitario lugués Luz Páramo. Antes de proceder ao recoñecemento que o centro universitario lugués tributa a Luz Páramo, a residente Andrea Durán Liñares, a xeito de voceira da promoción de estudantes universitarios do campus de Lugo hospedados na residencia universitaria Jesús Bal y Gay que se despide do centro ao remate do curso 2018-2019, fixo unha semblanza da súa experiencia no centro.


Outras imaxes


De esquerda a dereita, Constenla, Valcárcel, Vázquez e Durán

Estudantes universitarios, na residencia Jesús Bal y Gay de Lugo