Saltar ao contido principal
Xornal

A Biblioteca Universitaria manterá ata o 19 de xullo os horarios extraordinarios de apertura

Na actualidade e ata o 14 de xuño a Concepción Arenal abre 24 horas ao día e a Intercentros de Lugo de 8.30 a 3.00 horas

Actualizada: 14-05-2019 13:57
Comparte esta noticia en Facebook Comparte esta noticia en Del.icio.us Comparte esta noticia en Meneame Comparte esta noticia en Google Bookmarks Comparte esta noticia en Yahoo

Imaxe de arquivo da Biblioteca Concepción Arenal. Foto: RQ

A Biblioteca Universitaria mantén aberto dende o pasado mes de abril e ata o próximo 19 de xullo o período de apertura en horario extraordinario. Así, as salas de estudo de distintas bibliotecas dos campus de Santiago e Lugo ampliarán os seus períodos de apertura sumándose ás dos propios centros que manterán o seu horario habitual.

Na actualidade e ata o próximo 14 de xuño, a Biblioteca Concepción Arenal en Campus Vida permanece aberta 24 horas ao día e a Intercentros de Lugo manterá os horarios ampliados de 8.30 a 3.00 durante a semana (a partir das 9.00 horas dende o 1 de xuño) e de 10.00 a 3.00 en fins de semana e festivos.

De xeito complementario, entre o 1 de maio e o 9 de xuño, ás anteriores sumaranse a modo de reforzo durante as fins de semana e en festivos a biblioteca da Facultade de Ciencias Económicas e Empresariais, a Biblioteca Xeral e a Sala de Lectura da Facultade de Dereito que abrirán de 10.00 a 22.00 horas.

Do 14 de xuño ao 19 de xullo
Neste último período, tanto a Concepción Arenal como a Intercentros abrirán de luns a venres de 9.00 a 3.00 horas e en fin de semana e festivos de 10.00 a 3.00 horas. Na web da Biblioteca Universitaria da USC poderás atopar máis información sobre os distintos horarios de cada centro.