Saltar ao contido principal
Xornal
Portada de as matemáticas e a Astronomía en Galicia
Portada de as matemáticas e a Astronomía en Galicia

Título: As matemáticas e a Astronomía en Galicia

Autor: Iván Fernández Pérez e José Ángel Docobo Durántez

Editorial: Servizo de Publicacións e Intercambio Científico da USC

Lugar e ano: Santiago 2011

Dende o século XVIII á actualidade, este libro achega ó lector á historia da actvidade docente e investigadora no eido das matemáticas e a astronomía en Galicia. Nel realizase un minucioso percorrido por institucións e persoas recuperando a obra e dimensión de figuras senlleiras no desenvolvemento das ciencias matemáticas, a astronomía e a astrofísica. A obra enriquécese con numerosas imaxes de persoas, edificios, mapas, libros ou aparellos, que testemuñan a fonda raigame do desenvolvemento científico autenticamente meritorio da Universidade de Santiago de Compostela.

O libro está dividido en tres capítulos. O primeiro trátase dunha síntese histórica dos principais centros académicos e educativos nos que se ensinaban Matemáticas, facendo ademais unha breve sinopse dalgún dos seus principais protagonistas. No segundo, o que fai é tratar a evolución do ensino e da investigación matemática e astronómica na Universidade de Santiago de Compostela. Finalmente, na terceira parte, o lector atopa unha lista de resumos biográficos dos matemáticos e astronómicos galegos (tanto falecidos coma vivos que teñan unha traxectoria científica pechada), entre os que se destacan figuras coma a de Ramón María Aller, a quen a USC homenaxea ó dar o seu nome ó observatorio astronómico do Campus Vida.

Lucía D. Bóveda